The Sámi Parliament

Sámekulturguovddáža váldoláigolaš lea Sámediggi ja dan ovddasvástádussan lea kulturguovddáža dábálaš sajiid koordineren ja ovddosguvlui láigoheapmi eará doaibmiide. Kulturguovddážis Sámediggi oaččui atnui 1095 m2. Guovddáža nuppi ja goalmmát gearddis leat Sámedikki hálddahuslanjat.

Sámediggi lea Suoma sámiid alimus ovddasteaddji politihkalaš-iešmearrideaddji orgána, guhte doaibmá vuoigatvuohtaministeriija hálddahussuorggis. Sámedikki guovddášbargun lea plánet ja ollašuhttit Suoma vuođđolágas sápmelaččaide dorvvastuvvon giela ja kultuvrra guoski iešmearrideami. Sámediggi ovddasta sápmelaččaid álbmotlaš ja riikkaidgaskasaš oktavuođain ja dikšu sámiid giela, kultuvrra ja sin sajádaga eamiálbmogiid guoski áššiin. Sámediggi sáhttá dahkat eiseválddiide álgagiid ja evttohusaid ja addit cealkámušaid.

Sámedikki 21 lahtu ja njeallje várrelahtu válljejuvvojit sámiid gaskkas juohke njealját jagi válggaiguin. Sámedikki doaimmahagat juohkašuvvet dábálaš, sámegiela sihke skuvlen- ja oahppomateriáladoaimmahahkii. Sámedikki ollesáigásaš sátnejođiheaddji lea Tiina Sanila-Aikio.

Lassediehtu Sámedikki birra.