![porot](/assets/Sidor/1/45/porot__ScaleWidthWzM2MF0_CropPositionWyIzNjAiLDI3MCwiMCUiLDBd.jpg)
Maatalousyrittäjien eläkelaitos Mela
Mela-äššiolmooš Nina Maarit West pargosaje lii sämikulttuurkuávdáš Saijoos nube keerdist.
Mela täähid viljâleijeid, kuálásteijeid, puásuituálleid já išeruttâuážžoid.
Mela ađai Eennâmtuáluirâtteijei iäláttâhlájádâs hoittáá eennâmkuávlu irâtteijei sehe išeruttâuážžoi sosiaaltorvo vijđáht já pehtilávt. Mela fáálá viljâleijeid, kuálásteijeid, puásuituálleid já mecciomâsteijeid sehe išeruttâuážžoid maaŋgâpiälásii torvo jieškote-uv eellimtiilijd.
''Mij huolâttep mii äššigâsâi lahâaasâtlijn pargoiäláttâh- já pargotäpitormetáhádâsâin. Mij hoittáp meid astoääigi täpitormetáhádâs, juávkkujieggâtáhádâs, luoppâmtorjuu, Mela-puoccâmpeiviruuđâ, eennâmtuáluluámuttem já adelep pargotorvolâšvuođâuápistem.''
''Mii toimâjuurdân lii pyerediđ eennâmkuávlu irâtteijei sehe išeruttâuážžoi pyereestvaijeem eellim sierâ mudoin falâmáin luávdee sosiaaltorvo já palvâlem äššitobdoin já väldimáin vuotân äššigâs. Mii äššigâsâid palvâleh 45 Mela-äššiolmožid pirrâ Suomâ. Váldutoimâttuv 160 toimâolmožid išedeh mii äššigâsâid puhelin peht já aašijd puáhtá hoittáđ meid šleđgâlávt.''
Luuvâ lase Mela viermisiijđoin: www.mela.fi
Kuávlun kuleh: Iänudâh, Aanaar, Kittâl, Kolari, Muonio, Ucjuuhâ
Mela-äššiulmuin tun puávtáh hoittáđ puoh Mela-toorvon lohtâseijee aašijd jo-uv puhelin peht tâi väärridmáin persovnlávt vuástáväldimääigi äššiulmui. Palvâlus lii nuuvtá.