Säämi máttááttâskuávdáš

Säämi kulttuurkuávdáá nubbe válduláigulâš lii Säämi máttááttâskuávdáš (SMK). Säämi kulttuurkuávdáá vuossâmuu kiärdán šoodâi škoovlâ media- já kielâmáttááttâstileh, virtuaalškovlâ sehe muusik- já elleekovestudio ollâtásásii tekniikáin.

Säämi máttááttâskuávdáš lii nube tääsi oppâlájádâs, kote uárnee maaŋgâsuárgásâš áámmátlâš škovlim suomâ- já sämikielân sehe oovded sämikulttuur ubâ sämikuávlust. Áinoošlajâsâš oppâlájádâs váldutoimâsaje lii maaŋgâkulttuurlâš Anarist. Eres toimâsajeh láá Avelist, Kaamâs Tuáivunjaargâst já Iänuduv Hettaast. Škovlim- já tutkâmoovtâstpargo uulât sämikuávlu staatâi lasseen eromâšávt tave algâaalmugij maailmân.

Säämi máttááttâskuávdáást valmâštuveh merkonomeh, datanomeh, raavâdviäsu kookah, mađhâšempalvâlus pyevtitteijeeh, ardesaaneh, puásuituáluirâtteijeeh, puásuiulmuuh já aldatipšooh. Lasseen máttááttâskuávdáást láá almosčuovviittâs adeleijee liinjáh já rävisolmoošškovlim.